TÜSAD "Yaşlılara Hörmət Həftəsi" ilə bağlı açıqlamasında dünyada və Türkiyədə yaşlı əhalinin sayının artdığını bildirib. 

Aztibb.az "Haber Türkə"ə istinadən xəbər verir ki, Türkiyədə 8 milyon 722 min 806 yaşlı insanın olduğunu və yaşlı əhali artımının Avropaya çatdığını bildirib. 

Hər il 18-24 Mart tarixləri arasında qeyd olunan “Ahıllara Hörmət Həftəsi” yaşlı insanların cəmiyyətdəki yerinin, hüquqlarının və həyat keyfiyyətinin xatırlandığı, qocalma fenomeninin sosial və sağlamlıq ölçüləri ilə ələ alındığı mühüm maarifləndirmə həftəsidir.

Türk Tənəffüs Araşdırmaları Cəmiyyəti (TÜSAD) açıqlamasında 2050-ci ildə 65 və daha yuxarı yaşda olan insanların sayının 1,6 milyarda çatacağını təxmin edir. Sürətlə qocalan dünyada yaşlı insanların cəmiyyətə inteqrasiyası, onların ləyaqətli və sağlam həyat hüquqlarının qorunması, nəsillər arası həmrəyliyin gücləndirilməsi hər zamankindən daha çox əhəmiyyət kəsb edir.

Dünya üzrə ümumi əhali içərisində yaşlı əhalinin xüsusi çəkisi 16 faizə çatacaq ki, bu da hər altı nəfərdən birinin 65 və yuxarı yaşda olması deməkdir. Daha parlaq məlumatlara görə, dünya tarixində ilk dəfə olaraq 65 yaşdan yuxarı insanların sayı 5 yaşa qədər olan uşaqların sayını ötüb. 2050-ci ildə yaşlı əhali dünyada 12 yaşa qədər uşaqların sayına bərabər olacaq və 5 yaşa qədər uşaqların sayından təxminən iki dəfə çox olacaq.