Diyarbəkirdə diş müalicəsinə başlayan 50 yaşlı xəstənin nəfəs darlığı və öskürək şikayətlərinin səbəbinin udduğu silikon olduğu məlum olub.

Aztibb.az "TRT Haber"ə istinadən xəbər verir ki, astma diaqnozu qoyulan və 1,5 ildir müalicə alan xəstənin silikonu çıxarıldıqdan sonra şikayətləri aradan qaldırılıb.

50 yaşlı pasiyent 2023-cü ilin oktyabrında diş çəkildikdən sonra implant ölçdürməyə gedib və tətbiq olunan silikonu bilmədən udub. Bir müddət sonra nəfəs darlığı və öskürək şikayətləri ilə xəstəxanaya müraciət edən pasiyentə astma diaqnozu qoyulub.

Astma diaqnozu qoyulduqdan sonra xəstə iki ilə yaxın müalicə alıb. Xəstənin digər həkimə müraciətindən sonra həqiqət üzə çıxıb. Tomoqrafiya və bronxoskopiya əməliyyatları zamanı ağciyərdə çökmüş maddənin udulmuş silikon olduğu müəyyən edilib. Silikon çıxarıldıqdan sonra xəstənin şikayətlərinin aradan qalxdığı bildirilib.

İM