Yanlış istifadə edilən su istilik yastığı (qrelka) ciddi yanıqlara və təhlükəli fəsadlara səbəb ola bilər. Yastıqların təhlükəsiz istifadəsi üçün onların xidmət müddətinə və doldurma miqdarına diqqət yetirmək lazımdır.

Aztibb.az "TRT Haber"ə istinadən yazır ki, ağrıları aradan qaldırmaq, isinmək və ya dincəlmək üçün tez-tez istifadə edilən su istilik yastıqlarına demək olar ki, hər evdə rast gəlinir. Ancaq düzgün istifadə edilmədikdə, bu praktik köməkçilər böyük təhlükələr yarada bilər.

İş o həddə çatıb ki, hətta partlaması nəticəsində ciddi yanıqlara da səbəb olurlar. Bu səbəbdən bir çox xəstə təcili yardıma müraciət edir. Beləliklə, yastıqlardan təhlükəsiz istifadə etmək üçün nələrə diqqət edilməlidir? Onları hansı fasilələrlə dəyişdirmək lazımdır? Bütün bu suallara professor Asım Kalkanla cavab axtardıq.

Bu yastıqları revmatik xəstəliklər, xroniki ağrılar, aybaşı sancıları, əzələ və diz ağrıları üçün iifadə edildiyini deyən Dr. A.Kalkan sözlərini belə davam etdirib: “Biz bunu xəstələrimizə, xüsusən də ağrıların idarə olunması üçün tövsiyə edirik. Bununla belə, xəstələrimizi ondan necə istifadə etmələri barədə xüsusi olaraq xəbərdar etməliyik. Çünki bu, ağır fəsadlara səbəb ola bilər. Son vaxtlar təcili yardım şöbələrimizə qaynar yastıqların partlaması nəticəsində yanıq xəsarətləri alan xəstələri qəbul edirik. Xüsusilə şəkərli diabet xəstələri sinir sistemindəki pozğunluqlar səbəbindən istiliyi aşkar edə bilmirlər, bu da yanıqlara səbəb olur”.

Bəs isti su yastıqlarından istifadə edərkən mümkün risklərin qarşısını almaq üçün nələrə diqqət edilməlidir? “Maksimum 2-2,5 il su əlavə oluna bilər. Əgər müntəzəm və davamlı istifadə etmək lazımdırsa, 2 ildən az istifadə etmək daha yaxşıdır. İnsanlar bəzən bu isti su torbalarını qurutmaq üçün günəşə qoyurlar. Bunlar rezindən hazırlanır. Rezin günəş və su ilə təmasda olduqda kiçik çatlar əmələ gəlir. Ona görə də belə yastıqlardan istifadə edərkən onların üzərində çatların olub-olmamasına diqqət yetirməliyik”.