Alimlər kəşf ediblər ki, hətta təbiət şəkilləri belə beyin fəaliyyətini dəyişdirərək ağrıları aradan qaldıra bilir. Bu tapıntı təbii əsaslı müalicələrin ağrının idarə olunmasında təsirli ola biləcəyini göstərir.

Aztibb.az “Nature Communications” elmi jurnalında dərc olununan məqaləyə diqqət çəkib:

Vyana Universitetinin nevroloqları və beynəlxalq tədqiqat qrupu tərəfindən aparılan yeni bir araşdırma, təbiətlə qarşılıqlı əlaqənin fiziki ağrıları azalda biləcəyini ortaya qoydu. Üstəlik, təkcə təbiətdə olmaq deyil, həm də təbiət videolarına baxmaq ölçülə bilən ağrıları aradan qaldırır.

Tədqiqat çərçivəsində funksional maqnit rezonans görüntüləmə (fMRI) istifadə edilmiş və iştirakçıların təbiət mənzərələrini seyr edərkən hiss etdikləri ağrıları daha az şiddətli və narahatedici olaraq qiymətləndirdikləri müşahidə edilmişdir.

Məlum olub ki, beynin ağrı emal mərkəzlərində aktivlik azalıb. Bu tapıntılar göstərir ki, təbiətə əsaslanan müalicələr ağrının idarə olunması üçün təsirli və tamamlayıcı bir üsul ola bilər.  

Tədqiqatın bir hissəsi olaraq ağrı iştirakçılarına üç fərqli video göstərilib: təbiət səhnəsi, qapalı səhnə və şəhər səhnəsi. Beyin fəaliyyəti fMRI ilə ölçülən iştirakçılar təbiət səhnəsinə baxdıqda nəinki daha az ağrı hiss etdiklərini, həm də ağrının işlənməsi ilə əlaqəli beyin bölgələrində daha az aktivlik göstəriblər.