Mütəxəssislər bildirir ki, texnologiya asılılığı uşaqları hərəkətsizliyə məhkum edir. Buna görə də uşaqlarda pis duruş, donqar duruş, bel ağrıları, bel və boyun düzləşməsi kimi onurğa problemlərini daha çox görürük.

Aztibb.az "Haber Türkə" istinadən yazır ki, bu fikrləri bildirən ortoped Dr. Baran Şen texnoloji asılılığın uşaqları hərəkətsizliyə məhkum etdiyini, buna görə də onurğa problemlərini daha çox nəzərə çarpdığını deyib.

"Bu şikayətlərin qalıcı olmaması üçün uşaqlar saatda bir dəfə olduğu vəziyyətindən qalxmalı və 5-10 dəqiqə gəzməli və ya dik hərəkətlər etməlidirlər. Bunun üçün valideynlərin uşaqları motivasiya etməsi lazımdır", - deyə ortoped vurğulayıb.

O, inkişaf çağında uşaqların onurğa sağlamlığına mənfi təsir edən bəzi faktorlara diqqət çəkib: "Uşaqların planşet, telefon və kompüterləri təhsil vasitəsi olaraq istifadə edirlər, eyni zamanda onlar təhsil xaricində oyun oynamaq üçün də istifadə edirlər. Texnologiya çağında olan uşaqlar bu cihazlardan istifadə edərkən uzun müddət hərəkətsiz qalırlar. Bu hərəkətsizlik nəticəsində çox erkən yaşda ortopedik problemlər yaşamağa başlayırlar".

Dr. Şen oyun oynayarkən fasilə verməyi tövsiyə edib: "Uşaqları hər saat ayağa qalxmağa, 5-10 dəqiqə yeriməyə, şaquli hərəkətlər etməyə məcbur etmək lazımdır".

Ekspert uşaqlar üçün bu tövsiyələrin böyüklər üçün də keçərli olduğunu bildirib : "Ofis işçiləri də onurğa sağlamlığını qorumaq üçün hər saat oturacaqlarından qalxmalı və qısa bir gediş də olsa ofisdə hərəkət etməlidirlər".