Universitet tələbəsi, 22 yaşlı ABŞ vətəndaşı Ousmane Diallo qəfil huşunu itirərək yerə yıxıldıqdan sonra beyninə qan sızmışdı. Danışıq və hərəkət qabiliyyətini demək olar ki, tamamilə itirən gənc ABŞ-da 9 aylıq müalicə almasına baxmayaraq istədiyi nəticəni ala bilməyib.

Aztibb.az "Haber Türk"ə istinadən yazır ki, bunun üzərinə gəncin ailəsi müalicə axtarmağa başlayıb və Türkiyəyə gəlib. İstanbulda bir xəstəxanada robot müalicəsi və beyin stimullaşdırılması əməliyyatı keçirən Ousmane, bir il ərzində yerimə tarazlığını böyük fərqlə bərpa edib və beyin qanamasından əvvəl öyrəndiyi dörd dildə danışa bilib.

Beyin qanaması keçirərək danışma və hərəkət qabiliyyətini itirən 22 yaşlı amerikalı Ousmane Diallo ABŞ-da 9 ay müalicə aldıqdan sonra istədiyi nəticəni ala bilməyərək ailəsi ilə birlikdə İstanbula gəlir. Medipol Mega Universitet Xəstəxanasında robot müalicəsi və beyin stimulyasiyası keçirən Ousmane multidisiplinar və intensiv müalicə alır. Nevrologiya, fizioterapiya və reabilitasiya, nitq-udma terapiyası kimi müxtəlif fənlərin birgə işi sayəsində gənc amerikalı bir il ərzində yenidən danışıq və hərəkət qabiliyyətini bərpa edir.

Oğlunun gördüyü müalicədən və gəldiyi nöqtədən çox məmnun olduğunu ifadə edən Ousmane Diallonun anası Adja Sakho bildirib ki, oğlumun müalicə prosesinin vaxt aparacağını bilsək də, gəlinən məqamdan çox razıyıq: "Oğlumu etibarlı əllərə əmanət etmək ürəyimcə idi. Hər kəsə ürəkdən təşəkkür edirəm".