Ginekoloji xəstəlikləri olan qadınlar qan təzyiqi, xolesterin və çəki kimi ürək-damar risk faktorlarını mütəmadi olaraq izləməlidirlər.

Aztibb.az T24-ə istinadən xəbər veriur ki, bu fikirləri Biruni Universiteti Tibb Fakültəsi Xəstəxanası Ginekoloji Onkologiya Elm sahəsi üzrə Dosent. Dr. Mine Dağgez bildirib.

Biruni Universiteti Xəstəxanasından verilən açıqlamaya görə, yeni araşdırmalar qadın xəstəliklərinin ürək xəstəliyi riskini artıra biləcəyini göstərir.

Kanadada aparılan geniş miqyaslı meta-analizə görə, ekspertizadan keçmiş bir jurnalda dərc olunan endometrioz və polikistik yumurtalıq sindromu kimi ginekoloji xəstəliklər ürək-damar xəstəlikləri riskini 28 faiz artıra bilər.

Bu əlaqənin xroniki iltihab, hormonal balanssızlıqlar və insulin müqaviməti kimi faktorlara bağlı ola biləcəyi ifadə edilir. Tədqiqatın digər diqqətəlayiq tapıntısı isə bu riskin gənc yaşlarda ortaya çıxa bilməsi idi. Bu vəziyyət bir daha erkən diaqnozun və müntəzəm müayinələrin əhəmiyyətini göstərir.

Şərhdə fikirlərinə yer verilən Biruni Universiteti Tibb Fakültəsi Xəstəxanası Ginekoloji Onkologiya Bölümündən Dos. Dr. Mine Dağgez qadın xəstəliklərinin təkcə reproduktiv sağlamlığa deyil, bütün bədən sisteminə də təsir edə biləcəyini qeyd edib.

"Ginekoloji xəstəlikləri olan qadınlar qan təzyiqi, xolesterin və çəki kimi ürək-damar risk faktorlarını mütəmadi olaraq izləməlidirlər. Bu xəstələrin sağlam qidalanma, idman və stresslə mübarizə kimi ürək-sağlam həyat tərzi vərdişlərini mənimsəmələri böyük əhəmiyyət kəsb edir".