Türkiyənin Səhiyyə Nazirliyi hər hamiləlik dövründə hüceyrəsiz göyöskürək peyvəndi komponentini də ehtiva edən tetanoz-difteriya (Td) peyvəndinin bir dozasının hər hamiləlik dövründə tətbiqinə aprelin 2-dən başlanacağını açıqladı.

Aztibb.az "TRT Haber"ə istinadən yazır ki, nazirlikdən verilən açıqlamada göy öskürəyin hava yolu ilə asanlıqla bulaşan, qalıcı zədələnməyə, hətta ölümə səbəb ola bilən əhəmiyyətli bir yoluxucu xəstəlik olduğu, ağır öskürək tutmaları ilə xüsusilə körpələrdə ani tənəffüs tutulması, pnevmoniya, qıcolma və bəzən beyin zədələnməsinə səbəb ola biləcəyi bildirilib.

Açıqlamada peyvəndin göy öskürəkdən qorunmağın ən təsirli yolu olduğu vurğulanıb və qeyd edilib ki, göyöskürək peyvəndi, difteriya və tetanoz peyvəndləri ilə birlikdə kombinə edilmiş peyvəndin tərkib hissəsi olaraq, körpəliyin 2-ci ayından başlayaraq, cəmi 4 dozada tətbiq olunur. Ancaq 2-ci ayda peyvəndin ilk dozası ilə öskürəyə qarşı qorunma kifayət qədər səviyyəyə çatır. Ananın hamiləlik dövründə bu peyvəndlə vaksinasiya, anadan ötürülən qoruyucu anticisimlərin səviyyəsini artırmaq üçün təsirli bir üsuldur və bu təcrübə bir çox ölkələrin peyvənd proqramlarına daxildir. 

Açıqlamada, bütün dünyada olduğu kimi, Türkiyədə də neonatal göyöskürək hallarında artımın müşahidə edildiyi bildirilib və tərkibində göyöskürək peyvəndi komponentini də ehtiva edən Tdab peyvəndi şəklində Td peyvəndinin hər hamiləlik dövründə bir doza tətbiqinə aprelin 2-dən başlanacağı bildirilib. Genişləndirilmiş İmmunlaşdırma Proqramı (EİP) çərçivəsində peyvəndlər peyvənd aparılan bütün səhiyyə müəssisə və təşkilatlarında, xüsusən də Ailə Sağlamlığı Mərkəzlərində pulsuz aparılır.