Bu gün hepatit C artıq risk altında olan insanların xəstəliyi deyil, hər kəs ona yoluxa bilər.

Aztibb.az "Pravda" nəşrinə istinadən yazır ki, həkimlərin bildirdiyinə görə, bu xəstəlik hələ də yanlış inanclarla əhatə olunub. Bəlkə də ən böyük yanlış fikir hepatit C-nin sağalmaz olmasıdır. Əslində bu doğru deyil.

Hepatit C-yə qarşı hələ də peyvənd yoxdur. Ancaq əksər hallarda müvəffəqiyyətlə müalicə edilə bilər. Həkim tərəfindən təyin olunan xüsusi antiviral dərmanlar bu mənadə əhəmiyyətlidir.

Müasir müalicə üsulları virusdan cəmi bir neçə ay ərzində xilas olmağı mümkün edir. Əsas odur ki, müalicəyə vaxtında başlamaq lazımdır.

Hepatit C sarılıq xəstəliyidir. Dərinin və göz ağlarının sararması həqiqətən qaraciyər xəstəliyinin tipik bir əlamətidir. Hepatit C-nin heç bir spesifik simptomları yoxdur, əksər hallarda asemptomatikdir, çox vaxt yalnız qaraciyərin fibrozu və ya sirozu kimi görünür. Çox vaxt infeksiya təsadüfən, məsələn, planlaşdırılan xəstəxanaya yerləşdirməyə hazırlıq zamanı aşkar edilir.