Türkiyəli alimlər antibiotiklərə davamlı bakteriyalara qarşı nanoantibiotiklər hazırlayacaq.
Aztibb.az "Medimagazin"ə istinadən yazır ki, Hitit Universitetində (HİTÜ) antibiotikə davamlı bakteriyaların törətdiyi yoluxucu xəstəliklərin müalicəsində istifadə ediləcək nanoantibiotiklərin hazırlanacağı bildirilib.
Rektorluqdan edilən yazılı şərhə görə, Mühəndislik Fakültəsi Akademik Üzvü Dos. Dr. Bengi Özkahraman və Hacettepe Universiteti Biologiya Bölümü Müəllim Dos. Dr. Neslihan İdil davamlı bakteriyaların yaratdığı xəstəliklərin müalicəsində istifadə üçün nanoantibiotiklər yaratmaq məqsədilə layihə hazırlayiblar.
TÜBİTAK-dan dəstək alan layihə çərçivəsində laboratoriya işlərinə başlanılıb. Özkahraman, layihə çərçivəsində hazırlayacaqları nanoantibiotiklərlə antibiotik müqavimətinin qarşısını almağı hədəflədiklərini bildirib.
Antibiotiklərə qarşı müqavimətin tibb sahəsində ən böyük problemlərdən biri halına gəldiyinə diqqət çəkən Özkahraman qeyd edib ki, nanoantibiotiklər kiçik ölçüləri və böyük səthi sayəsində bakteriyalarla daha asan qarşılıqlı əlaqəyə girə bilir. Bu yolla nanoantibiotiklər antimikrobiyal müqavimətin inkişafının qarşısını ala bilir. Bu hissəciklər bakteriyanın antimikrobik qoruma mexanizmlərini təsirli şəkildə aradan qaldıra bilir davamlı bakteriyalara qarşı mübarizə aparır.
