İddia edilir ki, yeni kəşf  davamlı infeksiyalarla mübarizədə adi antibiotiklərə alternativ ola bilər.

Aztibb.az BBC-yə istinadən xəbər verir ki, alimlər immun sisteminin təbii antibiotiklərin mənbəyi ola biləcək yeni hissəsini kəşf ediblər.

Avropa Tədqiqat Şurasının (ERC) dəstəklədiyi ekspertlər yoluxucu xəstəliklərin müalicəsini dəyişdirə biləcək.

Bu kəşf barədə “Nature” jurnalında dərc olunan “İnsan hüceyrələri üçün müdafiə strategiyası olaraq antibiotiklərə çevrilən zülal tullantıları” başlıqlı məqalədə bəhs edilir.

Mütəxəssislər hüceyrələrdə zülalları parçalayan proteazomların bakterial infeksiyaya qarşı immunitet sisteminə töhfə verdiyini müəyyən ediblər.

“Trash-minning” adlı elmi prosesin bir hissəsi olaraq laboratoriyada yetişdirilən bakteriyalar və sepsisli siçanlar üzərində sınaqlar aparılıb.

Müəyyən edilib ki, hüceyrə daxilində proteazomlar bakteriyaları aşkar edə və onların böyüməsini dayandırmaq üçün əks müdafiə qura bilirlər. Bu tapıntılar yoluxucu xəstəliklərlə mübarizə üçün əvvəllər naməlum olan terapevtik strategiyalara yol açır", - məqalədə bildirilir.

İmmunitet sistemindəki yeni kəşfin mikrob əleyhinə davamlı (AMR) infeksiyalarla mübarizədə ümumi antibiotiklərə alternativ ola biləcəyi iddia olunur.

Mütəxəssislər kəşfin yeni bir antibiotik mənbəyinə çevrilməsi üçün vaxt aparacağını və daha çox testə ehtiyac olduğunu bildirirlər.