Begüm Aydoğan Mathyk Cənubi Florida Universitetinin Mamalıq və Ginekologiya Departamentinin köməkçisi, qadın sağlamlığı sahəsindəki araşdırmalarını bir addım daha irəli aparacaq və Virgin Galactic-in IIAS062 ilə ortaq şəkildə həyata keçirməyi planlaşdırdığı tamamilə qadınlardan ibarət ekipajın uçuşunda astronavtların sağlamlıq vəziyyətini araşdıracaq.

Aztibb.az xəbər verir ki, Mathyk Qadınlar Günü münasibətilə "AA"ya verdiyi müsahibədə qadın sağlamlığına olan marağının elmi kəşflərlə birləşdiyini və innovativ layihələrdə iştirak etmək istədiyi üçün yenidən ABŞ-da assistent kimi işini davam etdirdiyini bildirib.

NASA-nın Hyustondakı Johnson Kosmik Mərkəzində Aviasiya və Kosmos Təbabəti Təcrübə Proqramına qatılaraq birbaşa kosmos təbabəti təhsili aldığını ifadə edən Mathyk, NASA STAR Proqramına qatılaraq "kosmik tibb" üzərində çalışdığını söyləyib.

O, kosmos təbabətinin bəşəriyyətin gələcəyi üçün əhəmiyyətini və bu sahədəki çatışmazlıqları gördükcə, qadın sağlamlığı üçün yeni həll yolları yaratmaq ideyasından həyəcanlandığını deyib.

Kosmosda qadınların sağlamlığı ilə bağlı araşdırmaların qeyri-kafi olduğunu vurğulayan həkim bildirib ki, kosmosda çoxalma ilə bağlı heyvanlar üzərində araşdırmalar aparan elm adamları var. Ancaq bir mütəxəssis olaraq özünün buna fərqli bir prizmadan yanaşdığını deyib:

"Hazırda ABŞ-da bu sahədə araşdırmaları aktiv şəkildə idarə edən yeganə mama-ginekoloqam. Mən təkcə bu sahədə deyil, həm də müxtəlif elmi qruplara rəhbərlik edirəm".