“Bir gündə dişlər” stomatoloji klinikalar şəbəkəsinin təsisçisi Zalim Kudayev daim cib telefonu ilə əylənməyin diş ətinin və dişlərin vəziyyətinə mənfi təsirindən danışıb.

Aztibb.az lenta.ru-ya istinadən yazır ki, birincisi, ekrana uzun müddət diqqət yetirmək tüpürcək vəzilərinin fəaliyyətini azaldır, bu da kariyesin inkişaf riskini artırır. Tüpürcək ağız boşluğu üçün təbii antiseptik kimi çıxış edərək qoruyucu funksiyanı yerinə yetirir.

O qeyd edib ki, smartfonların pəhrizə də təsiri var. Qacetlərə bu qədər aludə olan bir çox insanlar nə yediklərinin və necə yediklərinin fərqinə varmaya bilərlər. Bu qidanın qeyri-sağlam çeynəməsinə gətirib çıxara bilər ki, nəticədə  həzmin ilk mərhələsinə mənfi təsir göstərir.

Stomatoloqların təcrübəsində insanların ağzına nə qoyduğuna fikir vermədən dişlərini zədələdiyi hallar da var. Xüsusilə, qablaşdırma parçaları və ya çox sərt qidalar yaralanmalara səbəb ola bilər.

Bundan əlavə, ekspert insanın arxası üstə uzanması və telefonun üzünə düşməsi kimi təhlükəli vəziyyəti də qeyd edib. Bu həm dişlər, həm də digər sümük strukturları üçün təhlükəli ola bilər.