Pfizer BƏƏ-də cinsi yolla keçən infeksiyaların, tənəffüs yollarının və dəri xəstəliklərinin müalicəsində istifadə edilən antibiotik "Zithromax"ın satışını qadağan edib.

Aztibb.az xəbər verir ki, əczaçılıq nəhəngi "istehsal problemini" həll etməyə çalışdığını bildirib. Onlar əmin ediblər ki, dərmanın apteklərdən geri çağırılması antibiotikin təhlükəsizliyi və keyfiyyəti ilə bağlı deyil. Şirkət xəstələrin bütün şikayətlərini nəzərə alacağını qeyd edir.

“Biz bu dərmanın xəstələr üçün əhəmiyyətini başa düşürük və vəziyyəti mümkün qədər tez həll etmək üçün mümkün olan hər şeyi edirik. Hazırda dərman qəbul edən xəstələr alternativ variant seçmək üçün həkimləri ilə məsləhətləşməlidirlər”, - istehsalçı bildirib.

Məlumatda bildirlir ki, tərkibində azitromisin olan "Zithromax" preparatı bakterial infeksiyaların, o cümlədən dəri və tənəffüs yollarının xəstəliklərinin, həmçinin xlamidiya və qulaq infeksiyalarının müalicəsi üçün təyin edilir.