Ukraynada son sutkada koronavirusa yoluxanların sayı 10 min nəfəri keçib.

Aztibb.az Ukrayna Səhiyyə Nazirliyinə istinadla xəbər verir ki, ötən gün Ukraynada 10 611 nəfər koronavirusa yoluxub. Bununla da pandemiya dövründə Ukraynada koronavirusa yoluxanların ümumi sayı 489 min 808-ə çatıb, 268 min 349 nəfər müalicəsini başa vurub. Ən çox yoluxma halları Kiyev, Odessa, Lvov və Xarkov vilayətlərində qeydə alınıb.

Ötən gün ölkədə 187 nəfər koronavirusdan həyatını itirib. Bununla da bu infeksiyadan ölənlərin ümumi sayı 8312 nəfərə çatıb.

Qeyd edək ki, Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.