İsti iqlim zonalarında yaşlı insanların qocalması sürətlənir.

Aztibb.az TASS-a istinadən xəbər verir ki, bu barədə Cənubi Kaliforniya Universiteti məlumat yayıb.

Alimlər 56 yaşdan yuxarı 3,6 mindən çox insanın sağlamlığını araşdırıblar. Məlum olub ki, ilin çox hissəsində temperaturu 32 dərəcədən yuxarı olan bölgələrdə yaşayanlar daha tez qocalır.

Onların bioloji yaşı sərin yerlərdən olan həmyaşıdlarından 1,5-2,5 il yüksək olub. “Başqa amilləri nəzərə alsaq belə, istiliyin orqanizmə təsiri nəzərə çarpan olaraq qalır.

"Biz gördük ki, bu proses anormal temperaturdan cəmi bir neçə ay sonra başlayır”, – universitetin professoru Cennifer Ailşir bildirib. Bunu yoxlamaq üçün alimlər tədqiqat iştirakçılarından qan nümunələri götürüb və hüceyrələrdəki dəyişiklikləri izləyiblər.

Onlar müəyyən ediblər ki, istilik genlərin fəaliyyətinə təsir edərək orqanizmin daha tez qocalmasına səbəb olur. Bu fenomenin dəqiq səbəbləri hələ də məlum deyil.

Tədqiqatçılar orqanizmin funksiyalarını yenidən qurmaqla yüksək temperatura cavab verməsini təklif edirlər. Mexanizmi anlamaq üçün alimlər müşahidələri davam etdirəcək və əlavə təcrübələr aparacaqlar.