ABŞ Xəstəliklərə Nəzarət və Qarşısının Alınması Mərkəzləri (CDC) ölkədəki həkimlərə danq qızdırması hallarına qarşı diqqətli olmaları barədə xəbərdarlıq edib.

Aztibb.az “TRT Haber”ə istinadən xəbər verir ki, CDC-dən edilən yazılı açıqlamada, ABŞ-da danq qızdırması hallarının artması riskinin olduğu ifadə edilib.

Açıqlamada ABŞ-da həkimlərə bu xəstəliyə qarşı ayıq olmaları barədə xəbərdarlıq olunub.

Açıqlamada bütün ölkələrdə danq qızdırması hallarının artdığı, yanvarın 1-dən iyunun 24-dək ABŞ-a səfər edənlər arasında 745 denq qızdırması halının aşkarlandığı bildirilib. Bu 2023-cü ildə bildirilən hadisələrin sayından iki dəfə çoxdur.

Danq qızdırması

Tropik və subtropik bölgələrdə baş verən Denge qızdırması kimi də tanınan  xəstəliyi yaradan virus insanlara ağcaqanadlar vasitəsilə ötürülür. İnkubasiya dövründən sonra ümumiyyətlə yüngül hərarətə səbəb olan xəstəlik bəzi hallarda ölümlə nəticələnə bilər.

Ümumiyyətlə "yağışlı dövrlər" kimi tanınan mart, iyun, sentyabr və dekabr aylarında hallar artır.

Alimlər xəbərdarlıq edir ki, yüksək temperatur və uzun sürən yağışlar malyariya və Danq qızdırması daşıyan ağcaqanadların artmasına səbəb olur.

Xəstəliyə səbəb olan ağcaqanad növləri su hövzələrində sürfələr yaratdığından, xüsusilə sənaye ərazilərindəki zibilliklərin daim dezinfeksiya edilməsinə ehtiyac var.