Honq-Konq alimləri xərçəng hüceyrələrində özünü məhvetmə mexanizmini aktivləşdirən burun-udlaq xərçəngi üçün yeni dərman təqdim ediblər.

Aztibb.az "Actualnews" portalına istinadən xəbər verir ki, dərman mRNT texnologiyasına əsaslanır və bu da hüceyrələrin özlərini məhv etməsinə yönəltməyə imkan verir.

Nazofarenks xərçəngi yuxarı tənəffüs yollarını təsir edən təhlükəli bir xəstəlikdir. Siçanlar üzərində aparılan laboratoriya sınaqları ümidverici nəticələr göstərib. Alimlər dərmanı “ağıllı bomba” adlandırıblar, çünki o, təkcə şişi məhv etmir, həm də onunla mübarizə aparmaq üçün immunitet sistemini stimullaşdırır.

Beləliklə, xərçəngin müalicəsində əsas problem olan yan təsirlər minimuma endirilir. Professor Anna Tsanq yeni dərmanın sırf xərçəng hüceyrələrinə təsirinə görə kimya və ya şüa terapiyasından daha təsirli olduğunu bildirib. Bundan əlavə, hazırlanmış dərman bu unikal qabiliyyətdə oxşar məhsullardan üstündür.