Nevroloq-somnoloq İrina Zavalko yüksək temperaturun yuxunun pozulmasına səbəb ola biləcəyini bildirib.

Aztibb.az xəbər verir ki, “Life” saytına müsahibəsində mütəxəssis bildirib ki, əslində istiyə uyğunlaşmağımız yaxşıdır: “İlk isti gecələrdən sonra daha yaxşı yatmağa başlayırıq. Amma uyğunlaşma tam baş vermir”.

Onun sözlərinə görə, yataq otağında uyğun temperatur saxlamaq vacibdir və temperaturun qəfil dəyişməsinə yol verilməməlidir. Məsələn, kondisioner əvvəlcədən orta temperaturda işə salına bilər ki, otaq tədricən soyusun.

Gün ərzində içmə rejimini saxlamaq məsləhətdir. Geyimə gəlincə, təbii, nəfəs alan parçalar tövsiyə olunur.