Somnoloq: Yuxu keyfiyyətinin pozulması artıq çəkiyə təsir edir və arıqlamağınıza mane olur

Yuxu strukturunun pozulması bədəndə yağların parçalanması üçün zəruri olan somatotrop hormonun istehsalının azalmasına təsir göstərə bilər.

Aztibb.az “Pravda” portalına istinadən xəbər veri ki, somnoloq Aleksandr Kalinkinin sözlərinə görə, bu hormon yuxunun dərin mərhələlərində istehsal olunur və anabolik funksiyalara malikdir: piyləri parçalayır və əzələ kütləsini artırır.

Ancaq artıq çəki yuxunun keyfiyyətinə mane olur, çünki xoruldama və ya yuxu apnesi kimi tənəffüs problemlərinə səbəb ola bilər.

Bundan əlavə, zəif yuxu səbəbiylə bədəndə neyropeptid oreksinin səviyyəsi azala bilər ki, bu da çəki artımına təsir göstərir.

Həmçinin insan gün ərzində özünü halsız hiss edir, başı ağrıyır və diqqətini cari işlərə cəmləməkdə çətinlik çəkir. Bu vəziyyət bir insanın daha az hərəkət etməsinə səbəb olur, bu da kilo almağa kömək edir. Eyni zamanda, yuxunun olmaması yemək davranışında dəyişikliklərə səbəb olur.