Alimlər uzun müddətdir ki, faqlar deyilən, yəni bakteriyaları məhv edə bilən virusların xüsusiyyətlərini öyrənirlər. Lakin onların potensialı hələ də bəlli deyil, halbuki bu, antibiotiklərə çox perspektivli alternativdir.

Aztibb.az “Planet Today” nəşrinə istinadən xəbər verir ki, yeni bir araşdırma, bakteriyaların uzun müddətdir faj viruslarını rəqiblərinə qarşı silah kimi necə istifadə etməsinin maraqlı mexanizminin öyrənilməsinə həsr olunub.

Alimlər qrupu Almaniyada yabanı bitkilərdən biri ilə əlaqəli olan Pseudomonas cinsinin bakteriyalarının populyasiyasını öyrənib. Bir qayda olaraq, bir ev sahibi yoluxduqda, bakteriya ştamlarından biri digərlərini sıxışdıraraq aktiv şəkildə çoxalır.

Mütəxəssislər 1500-dən çox bakteriya genomunu təhlil edərək, onların 99%-dən çoxunda virus fraqmentlərinin olduğunu aşkar ediblər. Hər bir ştam orta hesabla öz genomuna inteqrasiya olunmuş viral DNT-nin iki ayrı fraqmentindən ibarət olub. Onlar zədələniblərr və çoxalma qabiliyyətini itiriblər, lakin bakteriyaların bir-biri ilə rəqabət aparmasına kömək etmək qabiliyyətini qazanıblar.

Tədqiqatçılar belə qənaətə gəliblər ki, bakteriyalar bu “yatmış” virusları öz genomlarında qoyub, onlardan resurslar uğrunda mübarizədə rəqiblərə qarşı bir növ silah kimi istifadə edirlər.