Alimlər istiliyin beyin fəaliyyətinə necə təsir etdiyini öyrəniblər.

Artıq 26 dərəcədən yuxarı temperaturda insanın zehni qabiliyyətləri azalmağa başlayır.

Aztibb.az “Arqumentı i Faktı” nəşrinə istinadən xəbər verir ki, bu nəticəyə sinir sistemi və termal təsir arasındakı əlaqəni öyrənən alimlər gəliblər.

Beynəlxalq tədqiqatçılar qrupu belə qənaətə gəliblər ki, temperaturun yüksəlməsi insanın bədən temperaturunu saxlamaq qabiliyyətinə təsir edə bilər və sinir sisteminin fəaliyyətini poza bilər. Bu, Alzheimer xəstəliyi və şizofreniya da daxil olmaqla nevroloji və psixi pozğunluqların inkişafına yol açır.

Tədqiqat göstərib ki, yüksək temperaturda parasimpatik sinir sisteminin fəaliyyəti və qanda oksigenlə doyma səviyyəsi aşağı düşdüyü üçün zehni performans istidən azalır.

“Sinir sistemimiz bütün bədənə elektrik və siqnal ötürən kabellər toplusudur. Ancaq elektrik keçiriciliyi, əlbəttə ki, istilikdən təsirlənə bilər.