Bal arıları ağciyər xərçəngi ilə əlaqəli kimyəvi biomarkerləri aşkar edə bilir və bu böcəklər ağciyər xərçəngi növlərini yalnız hüceyrə kulturalarının "qoxusu" ilə də ayırd edə bilirlər.

Aztibb.az “Medzdrav İnfo”ya istinadən xəbər verir ki, bununla bağlı tədqiqatı neyromühəndis Debajit Sahanın rəhbərlik etdiyi ABŞ-ın Miçiqan Universitetinin alimləri aparıblar.

Mütəxəssisin sözlərinə görə, bal arılarının da itlər kimi inanılmaz qoxu hissi var.

Tədqiqat üçün həşəratın beyin siqnallarında hər hansı dəyişikliyi ölçmək üçün beyninə kiçik bir elektrod bağlayarkən canlı arı saxlaya bilən xüsusi 3D çap edilmiş qoşqu hazırlanıb.

Daha sonra təcrübədə iştirak edən 20 arıya xərçəng xəstələrinin (kimyəvi tərkibi süni şəkildə işlənib hazırlanmışdır) və sağlam insanların nəfəsi təqdim edilib. Bütün həşərat beyin siqnalları aşkar edilib qeydə alınıb. Beləliklə, arılar ağciyər xərçəngi biomarkerlərinin çox kiçik konsentrasiyalarını belə aşkar edə biliblər.

Elmi tapıntılara görə, arılar tənəffüs qarışığının kimyəvi konsentrasiyasındakı kiçik dəyişiklikləri təsbit edə bilirlər, bu da milyardda bir hissədir.

Gələcəkdə elmi qrup xəstələrin cihaza yalnız nəfəs verməsini tələb edən test hazırlamağı planlaşdırır. Sensor xüsusi diaqnozları tez bir zamanda əldə etməyə imkan verir.