Bordo Universitetinin fransız alimləri müəyyən ediblər ki, insanın tez-tez gənclik illərində yaşadığı depressiya 55 yaşında idraki qabiliyyətlərin azalmasına səbəb ola bilər.

Aztibb.az xəbər verir ki, tədqiqatın müəllifləri nəticələrini “Neurology” jurnalında paylaşıblar.

Araşdırmada 3117 nəfər iştirak edib, onların orta yaşı 30 olub. Hər beş ildən bir depressiyanın varlığını aşkar etmək və simptomların şiddətini qiymətləndirmək üçün subyektlərdən xüsusi psixoloji anketlər doldurmaq tələb olunub.

Xüsusilə, subyektlər yuxu keyfiyyətində, iştahda, əhval-ruhiyyədə və konsentrasiya qabiliyyətində dəyişiklikləri müşahidə edib etmədiklərini bildiriblər. İştirakçıların orta yaşı 55-ə çatdıqda, subyektlər əlavə bir sıra testlər keçiblər.

Nəticələr göstərib ki, əhəmiyyətli depressiv simptomlar şifahi yaddaşın və emal sürətinin azalması ilə əlaqələndirilir. Qara rəngli subyektlərdə bu korrelyasiya daha qabarıq idi. Alimlər hesab edirlər ki, erkən yaşlarda depressiyaya düşmək sonrakı yaşlarda demans riskini ciddi şəkildə artıra bilər.