Məşhur rusiyalı həkim və teleaparıcı Aleksandr Myasnikovun fikrincə, internetdə təklif olunan üsullarla bağırsaqları təmizləmək “orta əsr cəfəngiyyatıdır” və gözlənilməz nəticələrə səbəb ola bilər.

Aztibb.az “Med Novelty” portalına istinadən xəbər verir ki, həkimin sözlərinə görə, ildırım sürəti ilə sağalma arzusu çox vaxt ehtiyatsızlıq və absurdluqla nəticələnir. Xüsusilə, bu, xalq reseptlərindən istifadə edərək bağırsaq detoksuna aiddir.

“Bağırsaqlarla "zarafat" xərçəngin inkişafı riskini daşıyır. Ümumiyyətlə qan damarlarının və ya qaraciyərin məqsədyönlü təmizlənməsi mümkün deyil”, - deyə həkim vurğulayıb.