Mikroplastiklər bütün planetimizdə geniş yayılıb. Hətta Antarktidanın ucqar guşələrində də onun hissəcikləri tapılıb.

Aztibb.a xəbər verir ki, “Environmental Science & Technology” (ES&T) jurnalı yazır ki, araşdırmalara əsasən, mikroplastiklər orqanizmə daxil olduqdan sonra orqanların bir hissəsinə çevrilir.

Mikroplastiklərin insan orqanizminə təsiri demək olar ki, tam məlum deyil. Ancaq tamamilə aydındır ki, yad cisimlərin yığılması insanlar üçün çətin ki, faydalı olsun.

Mikroplastiklərin ağciyərlərdə və beyində, damarlarda, qanda və plasentada olduğu sübut edilib.

Alimlər hesab edirlər ki, plastik yığılması insult, allergiya və müxtəlif otoimmün xəstəliklər də daxil olmaqla ciddi xəstəliklərin riskinin artmasına səbəb ola bilər.