Onkoloq Yevgeni Çeremuşkin mobil telefondan həddindən artıq istifadə nəticəsində uşaqlarda beyin xərçənginin inkişaf ehtimalı barədə xəbərdarlıq edib.

Aztibb.az “Echonedeli” portalına istinadən xəbər verir ki, həkimin sözlərinə görə, uşaqlar smartfonlarda həddən artıq çox vaxt keçirirlər ki, bu da problemlərə yol açır.

Qlioblastomaların inkişafı

Ancaq bu günə qədər bu xəstəliyin birbaşa əlamətləri müəyyən edilməmişdir. Həkim xatırladıb ki, müasir qurğular təhlükəsizlik baxımından sınaqdan keçirilsə də, uzunmüddətli istifadə mənfi nəticələrə səbəb ola bilər. O, qacetlərə həddindən artıq məruz qalma nəticəsində qlioblastomaların mümkün inkişafı ilə bağlı narahatlığını ifadə edib.

Həkim onu da vurğulayıb ki, smartfonlardan istifadənin rahatlığı valideynlər üçün cəlbedici olsa da, onlar uşaqlara təhlükəsiz vaxt keçirmə yolları təqdim etməlidirlər ki, onlar inkişaf etsinlər və cihazın ekranından kənarda dünyanı görə bilsinlər.