Əgər düzgün qidalanma və fiziki aktivliyə baxmayaraq istənilən qan yağları səviyyəsi əldə olunmursa (LDL xolesterolun səviyyəsi 100 mg/dl-dən aşağı olmalıdır), bu zaman dərman müalicəsinə ehtiyac yaranır.

Aztibb.az “Medik Forum” nəşrinə istinadən xəbər verir ki, qanda xolesterol səviyyəsini dəyişməsinin bir sıra səbəbləri vardır.

Qidalanma: Kərə yağı, yumurta sarısı, yağlı ət, yağlı toyuq (dərisi ilə yeyilərsə, süd, qatıq, peydir kimi doymuş yağlar və xolesterol ilə zəngin qidalar qəbul etmək. Günlük qidamızın yağlara düşən payının 35 %-dən çox olması.

Bədən ağırlığı: Çox kilolu olmaq. Arıqlamaq ümumi xolesterol, LDL xolesterol və triqliseridlərin azalmasına və HDL çoxalmasına köməklik edir.

Fiziki aktivlik: Fiziki aktiv olmamaq və hərəkətsiz həyat tərzi LDL xolesterol səviyyəsini qaldırır. Mütəmadi olaraq fiziki məşqlər etmək “pis” yağları azalmasını, “yaxşı” yağların isə çoxalmasını təmin edir.

Həyat tərzi dəyişikliyi üçün tövsiyyələr

Aşağı doymuş yağ və xolesterol tərkibli qida qəbul etmək. Enerji olaraq qidalanmanızın 25-35 % yağ, 55-60 % karbohidrat, 12-15 % isə protein olmalıdır. Gündə ortalama 1500 kalori enerji almalıyıqsa, kərəyağının qəbulu 1 DQ (desert qaşığı), günəbaxan və qağıdalı yağların qəbulu 1.5 DQ , zeytun və fındıq yağların qəbulu 3 DQ olmalıdır. Marqarin çox nadir hallarda istifadə oluna bilər, yumşaq və kalorisi az olan marqarin istidafə etmək olar. Sadə yağ, quyruq və qızardılmış ərzaqlar istifadə edilməməlidir.