Hiperlipidemiya – qanda xolesterol, triqliserid və LDL-xolesterol səviyyələrinin yüksək olması deməkdir.

Aztibb.az xəbər verir ki, mütəxəssislərin bildiridiyinə görə, yağ səviyyələrinin tənzimlənməməsi başda ürək xəstəlikləri olmaqla bir çox xəstəliklərə səbəb ola bilər.

Yağlar bədənimizdə sərbəst yağ turşuları, xolesterol və triqliserid kimi fərgli formalarda olurlar.

Xolesterol qanda həm sərbəst, həm də lipoproteinlərlə birləşmiş şəkildə olur. Aşağı sıxlıqlı lipoprotein xolesterol (LDL xolesterol=”pis” xolesterol) qaraciyərdə əmələ gələn xolesterolu daşıyır. Bu xolesterol ən çox ürəyə gedən damarlarda yığılır və onların daralmasına səbəb olur. Nəticədə ürəyə qan axını yavaşlayır və yetərincə oksigen almadığına görə miokard infarktı baş verir.

Yüksək sıxlıqlı lipoprotein xolesterol (HDL xolesterol=”yaxşı” xolesterol) isə xolesterolun damarlarada yığılmasının qarşısını alır və ürək xəstəliklərinə qarşı qoruyur.

Bundan başqa qanda triqliseridlər var və qan yağlarından biridir. Yüksək səviyyədə olması ürək xəstəlikləri riskini artırır və başqa xəstəliklərdə də yüksəlməsi baş verə bilir (yağlı qidalanma, şəkər xəstəliyi və s.).

20 yaşdan yuxarı olan insanlar hər 5 ildən bir qanda ümumi xolesterol, LDL VƏ HDL xolesterol, triqliserid səviyyələrini yoxlamalıdırlar.