Koronavirus keçirmiş şəxs virusu digərlərinə xəstəliyin ilk simptomları göründükdən sonra 10 gün ərzində, bəzi hallarda isə 20 gün ərzində yoluxa bilər.

Aztibb.az Meddaily.ru-ya istinadən xəbər verir ki, bunu Rusiyanın baş infeksionisti Vladimir Çulanovdeyib.

"Ümumiyyətlə, virusun ətraf mühitə atılma müddəti xəstəliyin şiddətindən asılıdır. Məsələn, tədqiqatlar göstərir ki, yüngül və orta dərəcədə keçirilərsə bu virus xəstəliyin başladığı andan etibarən 10 gündən sonra keçir. Ağır hallarda isə yoluxma dövrü iki dəfə artır. Üstəlik, koronavirus testləri 2 aya qədər müsbət nəticələr verə bilər. Ancaq bu, insanın yoluxucu olduğu anlamına gəlmir".

Çulanov qeyd edib ki, tədqiqat zamanı koronavirus keçirmiş şəxsdə virusun izlərinə rast gəlinə bilər, lakin başqasına keçirməsi mümkün deyil: "Xəstəliyin ilk simptomları ortaya çıxdıqda, başqalarına yoluxdurmamaq üçün özünü təcrid etmək və bu barədə klinikaya məlumat vermək vacibdir. Xəstəlik əksər hallarda tənəffüs yollarının kəskin virus infeksiyaları kimi özünü göstərir".

Koronavirusun əsas simptomlarına aşağıdakılar daxildir: temperaturun 37,5 dərəcədən yuxarı olması (90% -də qeyd olunur), zəiflik və artan yorğunluq, quru öskürək, nəfəs darlığı, baş ağrısı, boğaz ağrısı.

Yoluxmuş şəxslərin 50%-dən çoxu dad və qoxu duyumunu itirir. Və yalnız 10%-də ishal halı olur.