Gürcüstanda son sutkada daha 2 927 nəfərə koronavirus diaqnozu qoyulub, 2 470 nəfər sağalaraq evə buraxılıb, 24 pasiyent isə vəfat edib.

Aztibb.az xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19-a yoluxanların sayı 60 680-ə çatıb. Onların 45 042-si sağalıb, 499-u isə dünyasını dəyişib.

Hazırda karantində 2 982, stasionar nəzarətdə isə 4 780 nəfər saxlanılır. Xəstəliyi yüngül formada keçirən 2 879 nəfər isə xüsusi otellərdə müalicə ilə təmin olunur.

Ermənistanda daha 1 042 nəfərdə koronavirus aşkarlanıb. Bununla da virusa yoluxanların sayı 107 466-ya yüksəlib.

Ölkədə pandemiyadan ölənlərin sayı 21 nəfər artaraq 1 580-ə çatıb. COVID-19 diaqnozu qoyulmuş, lakin başqa səbəbdən ölənlərin sayı isə 407-yə yüksəlib. İndiyədək 64 910 nəfər infeksiyadan sağalıb.

Hazırda Ermənistanda 40 569 aktiv koronavirus xəstəsi var.