Neuralink çipi olan ilk şəxs Noland Arbauq bütün günü ondan istifadə etdiyini deyir.

Aztibb.az “İzvestiya” nəşrinə istinadən xəbər verir ki, onun sözlərinə görə, 2016-cı ildə avtomobil qəzası nəticəsində onurğa sütunu zədələnib və iflic vəziyyətdə qalıb. Uzun müddət heç nə etmək istəməyib və gərgin, əsəbi həyat tərzi keçirib. Adama Neuralink çipi quraşdırılıb.Arbauq bundan sonra implantın həyatını yaxşılaşdırdığını söyləyib. Və beyin implantının ona dostları və ümumiyyətlə, bütün xarici dünya ilə əlaqə qurmağa kömək edydiyini bildirib.

“Business Insider” onun sözlərindən sitat gətirib: “Bəzən günə səhər 7-də başlayıram və axşam saat 23-ə qədər implantdan istifadə edirəm. Mən bilirəm ki, uzun bir gündür, amma mənə əyləncəli gəlir, ona görə də bu, iş kimi hiss olunmur".

O, bildirib ki, implantdan internetə daxil olmaq, X (keçmiş Twitter) və İnstaqrama mesaj göndərmək üçün istifadə edir. O, cihazdan e-poçtlara cavab vermək, fantaziya idmanı oynamaq, komikslər oxumaq, yapon dilini öyrənmək və vebsayta daxil olmaq üçün istifadə etdiyini deyib.

“Bir gün implantdan istifadə edərkən yuxuya getdim. Mən yatanda kursor hələ də hərəkət edir və hələ də klikləyirdi. Təxminən beş dəqiqə yuxuya getdim, ayılanda kompüterdə 10-a yaxın müxtəlif proqram açıq idi. Bunun baş verməsinin qarşısını almaq üçün kursoru söndürə bilərdim, lakin mən bunu bu dəfə etmədim”, - deyə Arbauq bildirib.

O izah edib ki, implantı bluetooth vasitəsilə kompüterə qoşula bilir. Arbauq Merilend ştatında interfeys mütəxəssisləri qrupu ilə implant üzərində işləməyə dörd-səkkiz saat sərf etdiyini qeyd edib.