Psixoloq və psixoterapevt Aleksandr Vronski bildirib ki, uşaqlarda aqressiv davranışların təzahürü həmişə tərbiyədəki boşluqlarla bağlıdır.

Aztibb.az “Arqumentı i faktı” nəşrinə istinadən xəbər verir ki, mütəxəssisin fikrincə uşaqların aqressiv davranışlarının arxasında həmişə acı, inciklik və ya məyusluq durduğunu ağlımızda tutsaq, bizə də övladımızı başa düşüb, öz aqressiv davranışlarımızı və emosiyalarımızı idarə edərək onlara dəstək ola bilərik.

“Uşağın üç ehtiyacı var: təhlükəsizlik, qeyd-şərtsiz qəbul və sevgi. Onlardan biri pozulsa, hər şey pis gedəcək. Qəddarlıq haradan gəlir? Başı öz işinə çox qarışan valideynlər var. Uşaq aqressivliyi ilə valideynlərinin diqqətini cəlb etməyə çalışa bilər”, - ekspert izah edib.

Mütəxəssisin qeyd edib ki, ikinci variant da var, o zaman uşaqda empatiya olmur və kimisə incitdiyini başa düşmür. Ən pisi, valideynlərin daim münaqişədə olmasıdır, çünki uşaq bu davranışı kopyalayır və aqressiya inkişaf etdirir.

“Oğlanlar üçün xüsusilə təhlükəli dövr, uşağın atasını kopyaladığı beş ildən doqquz yaşa qədərdir. Ata yoxdursa və ya tərbiyədən uzaqlaşdırılıbsa, uşaq yaşıdlarının yaşadıqlarını götürür, sərt filmlərə və ya cizgi filmlərinə baxır”, - deyə psixoloq yekunlaşdırıb.