C, D vitaminləri və omeqa-3 allergiya ilə mübarizə aparmağa kömək edir.

Aztibb.az xəbər verir ki, diyetoloq Dmitri Semiryadov "Sputnik" radiosuna açıqlamasında vitaminlər və bir sıra qida maddələri allergiyanın inkişaf riskini azalda biləcəyini deyib. Məsələn, C vitamini ilə qidalar yemək kömək edir.

"Tədqiqatlar göstərib ki, C vitamini xüsusilə yüksək dozalarda allergik reaksiyaları azalda bilər. O, antihistaminiklərdən fərqli işləyir, reseptorları bloklamaq əvəzinə orqanizmin istehsal etdiyi histamin miqdarını azaldır. İki qram vitamin qəbul etdikdən sonra histamin səviyyəsi təxminən 38% azala bilər. Dəri allergiyası, rinit və bronxial astma zamanı 7,5 qramlıq dozanın venadaxili yeridilməsi xəstələrin 97%-də burun axması, asqırma, qaşınma, narahatlıq və yuxu problemləri kimi simptomları azaldıb”, - deyə Semiryadov bildirib.

O, həmçinin D vitamini ilə allergik reaksiyaların riskini azaltmağı tövsiyə edib. Vitamin D əlavələrinin qəbulu astma və allergik rinitin kəskinləşməsinin sayını azaldır. Vitamin D, allergik reaksiyaların inkişafında iştirak edən immunoqlobulinlər sinfi olan IgE səviyyəsini azaltmağa kömək edir. Həkim, atopik dermatitin alovlanması olan yüzdən çox uşağın qışda D vitamini qəbul etdiyi və ekzema sahələrini və dermatitin şiddət indeksini azaltdığı bir araşdırmadan danışıb.