Yaz aylarında ağcaqanadlar sayı artdığından onlara qarşı mübarizə aparmaq üçün bir çox vasitələr tətbiq edilir.

Aztibb.az Vaşinqton Universitetinin alimlərinin “Nature Communications” jurnalında dərc edilən məqalələrində tövsiyə etdikləri nəticələrə diqqət çəkib.

Biologiya professoru Ceffri Riffel media ilə fikirlərini bölüşüb:

“Biz bilirik ki, ağcaqanadlar nəfəsinizə, tərinizə və bədən istiliyinə cəlb olunur. Amma məlum olub ki, onlar eyni zamanda müəyyən rənglərə də üstünlük verirlər. Hansıların dəqiq olduğunu öyrəndik. Ona görə də ağcaqanadları cəlb etməmək üçün bu rənglərdə olan geyimlərdən çəkinməyinizi məsləhət görürük.

Elmi kəşfin mahiyyəti ondan ibarətdir ki, ağcaqanadlar karbon qazı və spesifik qoxularla doymuş nəfəsimizi hiss edirlər. Bu, onların vizual qavrayışının müəyyən hissələrini stimullaşdırmaqla qoxu hisslərinə təsir göstərir. Ağcaqanadların gözləri, onların fikrincə, karbon qazı və qoxu mənbəyi ilə əlaqəli olan müəyyən rəngli obyektləri axtarmağa başlayır və onlara doğru gedirlər.

Tədqiqatlar göstərib ki, ağcaqanadlar qırmızı, narıncı, qara və mavi kimi daha uzun dalğa uzunluğu olan rənglərə üstünlük verirlər. Ancaq yaşıl, bənövşəyi, mavi və ağ rənglər qaniçənləri cəlb etmir”.