Həkimlər qan təzyiqi problemi olan insanların pəhrizinə diqqət yetirməyi tövsiyə edib, çünki bəzi qidalar ürək-damar sisteminə mənfi təsir göstərə bilər, digərləri isə vəziyyəti yaxşılaşdırır və qan təzyiqini normallaşdırır.

Aztibb.az “Echonedeli” portalına istinadən yazır ki, mütəxəssislər diyetinizə bəzi maddələrlə zəngin qidaları daxil etməyi vacib buyururlar.

Kardioloq Filipp Kopılov qida rasionunuza quru meyvələr kimi kaliumla zəngin qidaların daxil edilməsinin vacibliyini vurğulayıb. Kalium qan təzyiqinə müsbət təsir göstərir, onun müntəzəm istifadəsi qan təzyiqinin səviyyəsini əhəmiyyətli dərəcədə azalda bilər. Təsiri dərhal olmasa da, bu qidaları daxil etmək uzun müddətdə fayda verəcəkdir.

Həkim onu da qeyd edib ki, 139 mmHg-ə qədər təzyiq normal sayılır, “arterial hipertoniya” diaqnozu isə yalnız təzyiq müntəzəm olaraq 140 mmHg-dən çox olduqda qoyulur.