Gənələr təkcə Krım-Konqo hemorragik qızdırması xəstəliyinə səbəb olmur. Eyni zamanda, 200-ə qədər xəstəlik faktorunun daşıyıcısı və yoluxucu agenti ola bilər.

Aztibb.az “TRT Haber”ə istinadən xəbər verir ki, Dr. Adem Kəskinin sözlərinə görə, Türkiyədə adıçəkilən qızdırmanın diaqnozu və yayılması ilə bağlı araşdırmalar intensivləşib.

2008-ci ildən gənə üzərində işlədiklərini deyən alim, Ondokuz May və Artvin Çoruh universitetləri ilə ortaq şəkildə vəhşi heyvanlar üzərində gənə və onların ötürdüyü xəstəliklərlə bağlı araşdırmalarını davam etdirdiklərini açıqlayıb.

İnsanlarda parazitlik edən gənə növlərinin törədə biləcəyi xəstəliklərlə bağlı araşdırmaları davam etdirdiklərini ifadə edən A.Kəskin qeyd edib ki, yay ayları havalar isindikcə gənələrin aktivliyi artır. Bu səbəbdən də insanlar gərək gənələr haqqında bir az daha diqqətli ola. Çünki gənə ilə keçən xəstəliklər çoxdur.

Alim onu da vurğulayıb ki, 2002-ci ildən gənələrin 200-ə yaxın xəstəlik faktorlarının daşıyıcıları və ötürücüləri olduğu araşdırılıb və təqdidatlar davam etməkdədir.