Elm adamları alkoqolizm və dahilik arasında əlaqənin inandırıcı sübutunu tapmayıblar və bununla da ümumi bir mifi təkzib ediblər.

Aztibb.az “EcoPravda” portalına istinadən xəbər veri ki, Danimarkadakı Orhus Universitetinin Narkotik Tədqiqatları Mərkəzinin mütəxəssisi, alim Morten Hesse bildirib ki, qərəzlilik və bəlli müəlliflərin olmaması oxucu suallarını elmi şəkildə araşdırmağı çətinləşdirə bilər.

“Alkoqol yaradıcılığın inkişafına kömək etmir. Alkoqol və ya narkotik maddələrin stimul ola bilməsi üçün insanın onsuz da yaradıcılıq qabiliyyəti olmalıdır”, - deyə tədqiqatçı qeyd edib.

O, həmçinin vurğulayıb ki, keçmişdə bir çox məşhur yaradıcı şəxsiyyətlər çox güman ki, alkoqolizmə meyilli olublar. Amma bu o demek deyil ki, bu meyl onların dahiliyinin səbəbidir.

Alimlər bir qrup iştirakçıya alkoqollu içkilər verildiyi eksperimentlər aparıblar, lakin nəticələr spirtin yaradıcılığı təşviq etdiyini təsdiqləməyib.

"İçki yalnız səni daha axmaq edir", deyən tədqiqatçı alkoqol intoksikasiyasının koqnitiv funksiyanı və ya yaradıcı düşünmə qabiliyyətini yaxşılaşdırmadığını qeyd edib.

Beləliklə, alimlər bu qənaətə gəliblər ki, dahi və yaradıcılığın alkoqolizmlə sıx bağlı olması haqqında mifin heç bir elmi əsası yoxdur. İlham və yaradıcılıq bir şüşə spirtdən deyil, insanın daxilindən gəlir.