Stressin gizli əlamətlərindən yayınmaq asan ola bilər, lakin psixi sağlamlığınızı qorumaq üçün onları tanımaq vacibdir.

Aztibb.az “Planet Today” nəşrinə istinadən xəbər verir ki, bu barədə Hyustondakı Baylor Tibb Kollecinin psixiatrı Asim Şah danışıb.

Stressin görünən simptomları olduqca açıqdır - qıcıqlanma, qəzəb, səbirsizlik, əzələ gərginliyi. Ailə üzvləri, dostlar və həmkarlar bu əlamətləri görə bilərlər.

Stressin səssiz simptomları insanların həyatına marağının itirilməsini əhatə edə bilər. Bir zamanlar həzz aldıqları şeyi etməyi dayandırırlar. Narahatlılar olur, əsəbiləşirlər, qorxuları yaranır və əvvəllər etdikləri şeyləri etməkdən çəkinirlər.

Psixiatr həmçinin stressin digər gizli simptomları kimi kilo itkisi və ya artım, qəsdən saç dartma və ya dırnaq yemək vərdişlərini sadalayıb.

Stressi idarə etmək üçün ekspert ilk növbədə fiziki fəaliyyət və istirahət üsullarından başlamağı tövsiyə edib.

Siz meditasiya, dərin nəfəs məşqləri və ya ailəniz və dostlarınızla vaxt keçirə bilərsiniz. Fiziki fəaliyyət üçün gəzintiyə çıxın, sevimli idmanınızı oynayın və ya yoqa ilə məşğul olun.