Rusiyalı tədqiqatçılar öz inkişaflarını - xroniki yaraların effektiv müalicəsi üçün nəzərdə tutulmuş "ağıllı" sarğı təqdim etməklə tibb sahəsində yeniliyə imza atıblar.

Aztibb.az “Planet Today” nəşrinə istinadən xəbər verir ki, cihaz immun hüceyrələrini aktivləşdirən və sürətli sağalmanı təşviq edən toxumaların qan təchizatını yaxşılaşdıran elektrik stimullaşdırılması prinsipinə əsaslanır.

Bu barədə Milli Texnologiya Olimpiadası Platformasının mətbuat xidməti məlumat verib və hazırda belə cihazların mövcud olmadığını vurğulayıb.

Tibbi praktikada ilk dəfə olaraq rəqəmsal cihazlara məlumatların ötürülməsi ilə yara mühitinin monitorinqi tətbiq ediləcək. Bu, həkimlərə sağalma prosesini daha dəqiq izləməyə və istənilən dəyişikliyə operativ reaksiya verməyə imkan verəcək.

Mütəxəssislər qeyd edirlər ki, son onilliklər ərzində alimlər xroniki yaraların sağalmasını sürətləndirmək üçün elektrik stimullaşdırılmasına artan maraq göstəriblər. Elektron sarğılar xəstənin bədəninə girmədən toxumaların bərpasını sürətləndirmək üçün sadə və effektiv üsul təqdim edir.

Aparılan klinik və preklinik tədqiqatlar ümidverici nəticələr göstərib ki, bu sarğı invaziv prosedurlara ehtiyac olmadan istənilən mərhələdə yaraların sağalmasını sürətləndirir və istifadə rahatlığı ilə fərqlənir.