Zaman zaman meteorizm normaldır, lakin narahatlıq keçmirsə, ən qısa müddətdə mütəxəssisə müraciət etmək lazımdır.

Aztibb.az “Fit for Fun” portalına istinadən xəbər verir ki, mütəxəssislərin bildiridiyinə görə, çox vaxt şişkinlik yemək zamanı çox miqdarda havanın udulması nəticəsində baş verir. Bir hissəsi gəyirmə ilə çıxa bilər, qalan hava isə bağırsaqlara daxil olur.

Həzm prosesi həmçinin qazlar, yəni metan, azot, karbon qazı və hidrogen istehsal edir. Hava ilə təmasda olduqda, qaz qarışığı bağırsaqlardan sürüşür və sfinkterdən çıxır.

Əgər qazların bu cür keçməsi gündə 8-10 dəfədən çox olmamaq şərtilə baş verirsə, narahat olmağa dəyməz. Bu, yalnız bağırsaqların işlədiyini və hərəkət etdiyini göstərən bir əlamətdir.

Bununla belə, əgər sizdə daimi şişkinlik hissi varsa və qaz əmələ gəlməsi gündə 20 dəfədən çox baş verirsə və sizdə şişkinlik səbəbindən ağrılar varsa, həkimlər müayinədən keçməyi tövsiyə edirlər.