Arizona Dövlət Universitetinin (ABŞ) psixoloqları bacı və qardaşlar arasında tez-tez baş verən dava və çəkişmələrin səbəblərini araşdırıblar.

Aztibb.az xəbər veriur ki, “Evolution and Human Behavior” (EHB) elmi jurnalı tədqiqatın nəticələrini dərc edib.

Bir sıra sorğular nəticəsində qrup müəyyən edib ki, zorakılığın müxtəlif formaları (fiziki və şifahi) yaxın qohumların cinsindən asılı deyil. Bu o deməkdir ki, həm qızlar, həm də oğlanlar öz bacısına və ya qardaşına qarşı eyni dərəcədə aqressiv davranırlar.

Digər təcrübələr göstərir ki, bacı-qardaşlar arasında konfliktlər zəifləyən bağlara baxmayaraq, çox vaxt yetkinliyə qədər davam edir. Bu, insanların uşaqlıqda formalaşmış davranış nümunələrinə əməl etməyə davam etdiyini göstərir.

Həmçinin məlum olub ki, ailə üzvləri bir-biri ilə mübahisə etsələr də, başqa insanlarla söhbət edərkən bacı və ya qardaşları haqqında pis danışmağa meylli olmurlar.

Alimlər bu amilləri öyrəndikdən sonra paradoksal bir nəticəyə gəliblər - bacı və qardaşlar arasında münaqişələr nisbətən rahat olduğundan və adətən münasibətlərin pozulmasına və ya tərəflərdən birinin ciddi zədələnməsinə səbəb olmadığı üçün yaranır.