Yerdəki maqnit qasırğasının gücü indi ekstremal G5-dən (ifrat) G3-ə (güclü) qədər azalıb.

Aztibb.az “İzvestiya” nəşrinə istinadən xəbər verir ki, bu barədə Rusiyanın Tətbiqi Geofizika İnstitutunun saytında məlumat verilib.

“Geomaqnit sahəsi 11-12 may tarixlərində yüksək olub. Sonra radiasiya vəziyyəti bir qədər pozulmuşdan orta dərəcədə pozulmuşa qədər dəyişib”, - alimlər qeyd ediblər.

Həmin gün ABŞ-da Kosmik Hava Proqnozları Mərkəzi (SWPC) tərəfindən G5 maqnit qasırğası elan edilib. Yerə doğru hərəkət edən geomaqnit qasırğası tac kütləsinin atılması nəticəsində yaranır.

Bir gün əvvəl Yer kürəsində G3 səviyyəli maqnit qasırğası başlayıb. Daha sonra G5-ə qədər artıb.

Bundan əvvəl, mayın 6-da Rusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyasının rəhbəri Sergey Boqaçov son 10 ildə Günəşdə ən böyük partlayışlardan birinin baş verdiyini bildirib. Ekspertin sözlərinə görə, bu hadisə kosmik teleskoplar vasitəsilə vizual olaraq müəyyən edilib, onun gücü ilkin olaraq X4,5 kimi qiymətləndirilib.

Yerin maqnit sahəsində pozulma dərəcəsi G5 - son dərəcə güclü və G1 - zəif olan şkala ilə ölçülür.