“BMC Public Health” (BMC) jurnalında dərc edilən bir araşdırmanın nəticələri axşam kalsium qəbulu ilə ürək-damar xəstəlikləri riskinin artması arasında potensial əlaqə olduğunu göstərir.

Aztibb.az sözügedən nəşrdə yer alan yazıya istinqdən xəbər verir ki, 36 min ABŞ sakininin məlumatlarını təhlil edən tədqiqatçılar səhərlər kalsium qəbulunun artırılmasının və axşamlar isə azaldılmasının ürək-damar xəstəliklərinin inkişaf riskinin 6% azalması ilə əlaqəli ola biləcəyini irəli sürüblər. Tədqiqatın müəllifləri hesab edirlər ki, asılılığın səbəbi sirkadiyalı ritmlərə görə gün ərzində zülalların fəaliyyətindəki fərq ola bilər.

Son tədqiqatlar həmçinin kalsium qəbulunun sinir hüceyrələrinə və bioloji saatı tənzimləyən genlərin fəaliyyətinə təsirini göstərib. Tədqiqat müəllifləri tapıntıları təsdiqləmək üçün əlavə araşdırmalara ehtiyac olduğunu vurğulayırlar.

Axşam saatlarında kalsium qəbul etməklə yanaşı, ümumi gündəlik qəbulunuzu da nəzərə almaq vacibdir. Böyüklər üçün tövsiyə olunan gündəlik kalsium qəbulu 1000-1200 mq təşkil edir.

Tədqiqatlar göstərib ki, gün ərzində qəbul edilən kalsiumun paylanması istehlak edilən kalsiumun ümumi miqdarı qədər əhəmiyyətli deyil. Bununla belə, tədqiqatçılar 4-6 saatlıq fasilələrlə kalsium istehlakının optimal ola biləcəyini təklif edirlər.

Kalsiumun ürək-damar sisteminə təsiri

Kalsium ürək fəaliyyətinin və damar tonunun tənzimlənməsində mühüm rol oynayır. Kalsiumun qeyri-kafi qəbulu ürək əzələsinin kontraktilliyinin pozulmasına və arterial hipertenziyaya səbəb ola bilər. Digər tərəfdən, həddindən artıq kalsium qəbulu arterial kalsifikasiyaya səbəb ola bilir və ateroskleroz riskini artırır.

Sirkadiyalı ritmlərin ürək-damar sisteminə təsiri:

Sirkadiyalı ritmlər müxtəlif fizioloji proseslərə, o cümlədən ürək və damar funksiyalarına təsir göstərir. Bu ritmlərin pozulması ürək-damar xəstəlikləri riskinin artmasına səbəb ola bilər.

Son araşdırmalar göstərib ki, gecə növbəsində işləyən və ya tez-tez saat qurşağı dəyişənbölgələridə yaşayan insanlarda ürək-damar xəstəliklərinin inkişaf riski artır.