Piza Universitetinin italyan tədqiqat qrupunun əməkdaşları süni intellektin Afinada filosof Platonun dəfn olunduğu yeri dəqiq hesabladığını açıqlayıblar.

Aztibb.az “Planet Today” nəşrinə istinadən xəbər verir ki, bu, müasir Neapol yaxınlığındakı itirilmiş Herkulaneum şəhərində tapılan qədim papirusların yeni təhlili zamanı edilib.

Papiruslar hələ 18-ci əsrdə aşkar edilib və Herkulaneumun dəbdəbəli villasının kitabxanasında saxlanılan 1800-dən çox əlyazma tumarından ibarətdir. O, Pompey kimi, eramızın 79-cu ildə Vezuvi püskürməsi zamanı dünyasını dəyişib.

İlk dəfə olaraq papirusları oxumaq üçün süni intellekt texnologiyasından istifadə edilib. Bu, əvvəllər məlum olandan 30 faiz daha çox mətni deşifrə etməyə kömək edib.

Mətnlərdə Platonun Afinada, onun adını daşıyan Akademiyada dəfn edildiyi deyilir. Məhz, Muses məbədinin yaxınlığındakı bağda.

Platonun Akademiyası qədim Afinanın ən məşhur məktəbi idi. Eramızdan əvvəl 387-ci ildə şəhərin şimal-qərbində şəhər divarlarından kənarda fəaliyyətə başlamışdı.

Platonun ölüm şəraitini anlamaqda hələ də dəqiq mənbə yoxdur. Siseronun fikrincə, filosof yazılı əsər üzərində işləyərkən vəfat edib. Halbuki Hermipp bunun 81 yaşında toyda baş verdiyinə inanırdı.