Genetik Yevgeni Roqayev bildirib ki, DNT Leninin beynindən uğurla təcrid olunub. Bu hadisə Vladimir Leninin ölüm səbəbinin araşdırılmasında yeni səhifə açır. Onun ölümünün dəqiq səbəbi ilə bağlı mübahisələr davam edir: bəziləri səbəbi neyrosifilis, bəziləri aterosklerozun günahkar olduğunu iddia edir. Ancaq indi təcrid olunmuş DNT sayəsində alimlər həqiqətə yaxınlaşa bilirlər.

Aztibb.az “EcoPravda” portalına istinadən xəbər veri ki, Rusiyanın Elmi Nevrologiya Mərkəzi bildirib ki, Leninin beynində heç bir sifilis əlaməti aşkar edilməyib, lakin bu faktı qəti şəkildə təsdiqləmək üçün müayinə olunanın məhz Leninin beyni olduğunu sübut etmək lazımdır. Beyin nümunələrindən DNT-nin uğurla təcrid olunduğunu təsdiqləyən bu vəzifəyə genetik Yevgeni Roqayev dəvət olunub.

Lakin alimlər elmi məqalə dərc etməyi planlaşdırdıqları üçün hələlik təhlilin nəticələrini açıqlaya bilmirlər. Bu kəşf Leninin müəmmalı ölümünün həlli üçün açar ola bilər və tədqiqatçılar arasında mübahisələrə son qoya bilər. Görkəmli inqilabçının ölümünə nəyin səbəb olduğu tezliklə bəlli olacaq.