Böyük Britaniya alimləri belə qənaətə gəliblər ki, görmə qabiliyyətinin dəyişməsi demans kimi koqnitiv pozğunluqların sürətli inkişafı ilə bağlı ola bilər.

Aztibb.az xəbər verir ki, “ScienceAlert” jurnalında dərc edilən bir araşdırma, sonradan demensiya diaqnozu qoyulan insanların xəstəliyin digər simptomları görünməzdən çox əvvəl nəzərəçarpacaq dərəcədə görmə pozğunluğu yaşadıqlarını göstərib.

Tədqiqat zamanı 8 min insan müşahidə edilib, onlardan 537-də demans diaqnozu qoyulub. Tibbi qeydlərin təhlili göstərib ki, sonradan demensiya diaqnozu qoyulanların görmə funksiyası pozulub - onlar ekrandakı obyektləri müəyyən edə bilməyiblər.

Mütəxəssislər hesab edirlər ki, demensiyaya səbəb olduğu güman edilən amiloid zülalları beynin vizual məlumatların işlənməsinə cavabdeh olan sahəsinə təsir göstərir. Buna görə də, görmə funksiyasının pisləşməsi on ildən çox əvvəl qocalıq demensiyasının xəbərçisi ola bilər.

Bu nəticələr demans riskinin göstəricisi kimi görmədəki dəyişikliklərin erkən aşkarlanmasının vacibliyini vurğulayır.