Fizioterapevt Sammy Marqot bildirib ki, bel ağrısı prostat xərçəngi və bəzi digər təhlükəli xəstəliklərlə baş verə bilər.

Aztibb.az “Medik Forum” nəşrinə istinadən xəbər verir ki, həkim bel ağrısının əsas səbəbləri kimi, narahat vəziyyətdə masa arxasında uzun müddət oturmaq səbəbiylə əzələ gərginliyi olmasını əsas gətirib. Eyni zamanda, ağrı daha ciddi səbəblərə görə də inkişaf edə bilər, məsələn, disk sürüşməsi səbəbindən.

Kişilərdə bel ağrısı prostat xərçənginə işarə ola bilər, lakin bu adətən digər əlamətlərlə də müşayiət olunur: sidikdə qan və sidiklə bağlı problemlər və s.

Mütəxəssisin sözlərinə görə, döş qəfəsi və boyun nahiyəsində ağrılar pis duruş, gərginlik və zədələrlə bağlı ola bilər. Eyni zamanda, osteoartrit kimi onurğa xəstəlikləri bel ağrısı ilə nəticələnə bilər.

"Boyun ağrısının ən çox görülən səbəbləri yöndəmsiz vəziyyətdə yatmaq, sıxılmış sinirlər, zədələr və telefonu qulağınızla çiyniniz arasında saxlamaq vərdişidir. Həmçinin, onun sözlərinə görə, problemin ümumi səbəbi qalxanabənzər vəzinin xəstəlikləri, yetkinlik dövründə hormonal balanssızlıq və menopoz ola bilər”,- deyə həkim qeyd edib.