Amerikalı həkimlər ilk dəfə olaraq xroniki arıqlama xəstəliyinə (CWD) yoluxduğu güman edilən iki nəfəri müəyyən ediblər. Bu prion xəstəliyidir və əvvəllər marallarda diaqnoz qoyulub. Heyvanları bir növ zombiyə çevirir.

Aztibb.az “Daily Mail”ə istinadən xəbər verir ki, hər iki hal 2022-ci ildə qeydə alınıb. Qurbanlardan biri, 72 yaşlı ovçu yoluxmuş maral ətini müntəzəm olaraq istehlak edirdi. Nəticədə onun vəziyyəti pisləşdi, o, aqressivləşdi və demans əlamətləri göstərməyə başladı. Həkimlərin müdaxiləsinə baxmayaraq, bir ay sonra dünyasını dəyişdi.

Həkimlər belə qənaətə gəliblər ki, ölümün səbəbi nadir rast gəlinən prion beyin pozuntusu olan Creutzfeldt-Jakob xəstəliyinin sporadik formasıdır. Demansın sürətli inkişafı onun xarakterik əlamətlərindən biridir.

Bu xəstənin tanışlarından biri də Creutzfeldt-Jakob xəstəliyindən əziyyət çəkirdi. O, da ovçu idi və ehtimal ki, maral əti yeyirdi. Bu, hər iki ovçunun əslində virusun qurbanı olduğunu deməyə əsas verirdi.

Qəzet müəllifləri qeyd edirlər ki, meymun və siçanlar üzərində aparılan tədqiqatlar CWD-nin marallarla yanaşı digər növlərə də təsir edə biləcəyini təsdiqləyib.

Ağ quyruqlu marallar arasında yayılmış xroniki arıqlama xəstəliyi (CWD) beyin və sinir sisteminə hücum edən anormal zülallar olan prionlardan qaynaqlanır. Onlar maralın beyninə nüfuz etdikdə yuxulu, yöndəmsiz və getdikcə yorğun olurlar. Yoluxmuş heyvanlar boş, halsız bir görünüş ilə xarakterizə olunur, buna görə də “zombi maral xəstəliyi” ləqəbi verilir.

Xroniki arıqlama xəstəliyi təhlükəli, sağalmaz və həmişə ölümcüldür. Onun yayılmasının qarşısını almaq olduqca çətindir: patogen torpaqda və ya səthində qala bilər və yüksək temperatura və dezinfeksiyaedicilərlə mübarizədə davamlıdır.