Mövsümi polen allergiyası, çarpaz qida allergiyasına çevrilə bilər

Aprel və may aylarında çarpaz qida allergiyası bir çox insanlar üçün xüsusi təhlükə yaradır.

Aztibb.az xəbər verir ki, “Life” portalı allerqoloq Nadejda Loginanın bununla bağlı açıqlamasını dərc edib.

"Hər hansı bir bitkinin poleninə qarşı allergiya fəsadlı olur. Ağcaqayın poleninə qarşı allergiyadan əziyyət çəkən xəstələrdə ən çox bütün meyvələrə qarşı dözümsüzlük yaranmasıdır, bu da onların həyatını çox çətinləşdirir”, – deyə həkim bildirib.

Ağcaqayın allergiyası burun tıxanıqlığı, asqırma, qaşınma və gözlərin qızarması ilə özünü göstərir. Bəzi insanlar daha az şanslıdırlar, çünki allergik bronxial astma inkişaf edə bilər.

Üstəlik, mövsümi polen allergiyası çarpaz qida allergiyasına çevrilə bilər. Belə ki, ağcaqayın poleninə allergiyası olan bir çox insan alma, armud, gavalı, albalı, ərik, şaftalı və avokado qəbul etdikdə də allergiya keçirir.